Klasifikina amare sheya

Materiali thay sheya: figure e uravipaske yaverune, yaverune uravipya, thav vay konopi vay teyli, yek mushtek e shtipalkengo vash idya.

Evolviripe e aktivitetesko:Angashipe e qhavorengo ani buti e khereski si but argetimo vash olenge thay prekal olake on khelena,  kenaqingyona thay siklona o janipe  thay o jevavipe.

Adive iraneni muyal yek skamlin thay decisineni yek shel ,vay teyli a ibi thulo thav ano sa truyalipe e skamlinako, vay arakheni yek buhlipe kan o qhavoro shay te umlavel pere idya.

Ano sakova than e skamlinako, rodeni kotar o qhavoro vash te umlavel ano teyli o idya sar si pe periodi. Tumen shay te roden kotar o qhavoro te umlavel ini o idya sar si pe divuno vastipe, vash misal: Soibaske idya ano yek teyli , o idya vash te khele avri ano yek yaver teyli, o idya kay uravla kana iklona ano phiripe umlavena ano yek yaver teyli ,o idya kola beshla khere …. ayeka sera. Mekeni te klasifikinel o idya sar si pe oleske ideye kola sile korkoro o qhavoro thay ma ashutinenole ano deciipe e idyengo e idyenge shtipalkesko.