Khelipe e kuklengo

Manglo matriali:  Parno lil, lepako thay kolori kasht vay markeri. Sasavipeya shay te len yek kesa e lileski kova vastingyona ano furune e maroske.

Evolviripe e aktivitetesko: Beraber e qhavoreya , kririneni yek kesa e lileski, kote o qhavoro si te pikturinel yek personashi kova beginla may but. Ano mashkarovakti kay ini tumen sar dat si e gatisare tumaro personazhi. Pe starti pakyarena o lil an duy, kote si te azden o kray. Maypale vazdena ani yek yaver rig kotar o putarde rigya, kote mekna yek rig vash te qhiven o vast. Palo gatisaripe , kereni manglo pikturipe. Kana gatiarena o personashya, sol duy beraber si te keren yek drama tikni e kuklencakotar o lil, e tema, “phiripe ano yek versh beraber”. Ayeka ka oveltumen shaipe te vakeren e qhavoreya vash sa o bajakya kola si mangle vash gatisaripe kova manglape yek qhavoreske vash te nakhel ano phiripe thay so shay te keren ano yek phiripe. Sar dat, kereni shaipe te decisinen e qhavore ano yaverune dileme,m.s. , na janla so te uravel , ashutninehama? Na janava sar te arakhav o drom ano versh? Khuvgyum mo pro, so manglape te kerav akana? Amo akava shaipe tumen shutinena e qhavore vash te gendinel alternative thay yekhatar te alosarel yaverune problemya. Akava dramatizipe manglape te amalingyol may but khelipeya thay mangle situacie. Tumaro qhavoro but kamela o dramatizipya.