Kham si but zoralo

Qhavore but mangna te janen, puqna vash sasavo qhigode, but ver qhivinindoy amende ani na laqi pozicia sar te respodina olenge. Ini ano ovipya kana vash momenteske na thera respodipe tentina kay ketane te ave ji ano manglarno respodipe, numay ini odoya ver kana thera o gatisarno respodipe sito may shukar te azhutina ka te arakhel korkro respdoipe kerinindoy prova vay rodlarinindoy.

Vakereni q ahvorea, savo sito o kham? ( forma, kolori, tatipe), sar manglape te uravape nilayeske? Vakereni vash o puqipya kola siton vasne vash olenge. Kham takyarla e phuv, bayrona luludya, vi ayekha musay te garavgyola kotar o khameske dudya feri so shay te tharen amari morti. Vakereni sar musay te garavahape kotar o kham ( na manglape te khelolpe kana o kham takyarla  but, vastina gozlukya, sadik, besha khera vay kote na si kham pashe dayk lenake…)

Aktivitetesko evolviripe:Lelape yekh sari lil, duy sahanya ververutne bare.. Tikno sahani vash te pikturinolpe mashkar e khamesko, may baro sahani vash te pikturinel o mashkar kote si te qhivenpe o khameske dudya. Qhingyola e makazyencar avruno kotor pikturimo e bare sahaneya. Kotar o baro mashkar e makazyencar qhingyona o khameske dudya ji ano andruno kotor e mashkaresko. Kham lilestar kergyola buti kotar o qhavore  ( na manglape vash azhutipe feri so o qhavoro testirinela o makaze thay koncentripe vash te qhinel ji ano andruno mashkar thay vi ayekha koncentripe vash te phiravel e buti ji pe agor)

  • Data
  • Kategoria
  • Shpërndaj