Dive – rat

Materialya thay o sheya: parno lil, kalo nayloni, keksi toperlak, shpagete , cefke e limoneske, lepako

Tumen adive vakereni e qhavoreya vash o dive hem e rat , vash te dikhen koba si penjaripe tumaro qhavoro vash akala fenomenya e naturake. Puqeni tumare qhavore so kerena disiba, a so rakyako?, sar diklola o dive ,sar diklola e rat?, kana iklola o kam ,kana iklola e meseqina?, kana iklona o qerenya?, savo kolori sile o kham,meseqina thay qerenya,?, pe lugipe e vakeripasko , tumen leni o parno lil thay ano may baro kotor e lilesko lepatineni yek kalo nayloni (sar ano tasfiri) , thay pashareni e qhavoreske leparde matrialya vay dayek lil dendo matriali, kova si beraberyun ovash iklipe e khamesko, meseqinako thay qerenya, thay rodeni kotar o qhavore vash te lepatinen odola ano manglo than. Palo agoripe e bukyako kotar o qhavoro , tumen puqeni e qhavore soske may baro kotor si rat a may tikno dive, thay may pale informininen kay ano angloyeven o dive tiknol, a e rat lugyola.

Tumen shay te khelen e qhavoreya ini o khelipe dive – rat. Kana tumen vakerna dive- qhavoro te ushtel ano pre, kana tumen vakerena rat – qhavoro te phanel pe akya. O khelipe ovel aboka koba mangla o qhavoro.