Brishineske qizme

Matrialya : Lastukoske qizme, mantili brishinesko, parno lil, kashteske kolorya vay payneske, nayloni vay plastikako matrial. (so situmen khere)

Aktiviteti:

Mangava kay adive te ovel o dive brishineya, thay tumen te gatisaren e qhavore e lastukoske qizmenca thay mantili brishinesko vash phiripe ano brishin. Ikloveni tumare qhavoreya avri, thay te sine perla brishin vay pelo may rano brishin, mekeni e qhavore te kenaqingyol ano phiripe yhay te ferdingyol ano rupe kola kedisale payneya pe lugipe e brishinesko. Akava si yek ulavdo kenacipe vash o qhavoro thay kerla shaipe e qhavoreske kay e lastukoske qizmenca buzo darikeripe vash tena saopangyon oleske pre te kenaqingyol khelipa.

Ano na theripe e brishinesko, adive shay te keren yek mantili e brishinesko. Vash te kere buti odova, shay te vastinen yek sakodivuno nayloni, shay te qhinenole ani forma e trapezeski, thay may pale o dat yeka suvya shay te kedel o harno phiko e trapezesko, vash te kriirnel o truyal e meynako. Yek fyangoa, vay te sine kay vastinena tule lenya e koloreya, kriirineni o phanipe e matrialesko. Te sine kay na situmen myshema, shat te vastinen sakova matriali kova gendinena kay dela shaipe e qhavoreske vash te lol kan sar manglape te diklarel vash te uravelpe vakteya ano vakti e brishinesko no angloyeven.

Pali iranipe , deni e qhavoreske yek parno lil sasave koloreya kola situmen khere, thay rodeni sasavipeya kotar ov/oy vash te piktorinel thay kolorinel brishinenske qizme.