Devleske kustikake kolorya

Prekal adisuno khelipe, tumen ka azhutinen e qhavore te penjarel thay anavinel nesave kolorya. Pe shrd arakheni so may but obyektya kay situmen ano kher ververutne kolorencar, leindoy kotor, khelipya, qare, habe, sheya ty.

Ano yekh kotor ano podi vay mesalin, qhiveni po yekh obyekti kotar sakova kolori. Phanglo kotar bersha e qhavoreske tumen shay te decisinen vash o gendo e kolorengo kay ka prezentinen. Te sine kay tumaor qhavoro akana janela nesave kolorya, odoya qhiveni may baro gendo e kolorengo, te sine kay pandar na sien prezentime o kolorya odoya ver qhiveni numay 2-3 kolorya. Palo odova rodeni e qhavorestar kay te arakhel yaver obyektya thay te qhivel ano manglo kolori, anavindoy sakova obyekti kay qhavoro anela ano manglo kolori. Qhiveni obyektya e kolorencar ano ververutne kotora e sobake thay inkuraineni o khelipe e qhavoreski. Pe shrd mothaveni o khelipe e qhavoreske, misalake dikhena so dikhela ani soba e lole koloreya, palo kay o qhavoro arakhla mang olestar te anel o obyekti e lole koloreya ko than/manglo kolori. Lugyareni o khelipe e yaver kolorencar arakhindoy so may but obyektya.