Angloperipe e anglonilayeske

Materiali thay sheya : Parno lil, makaze, nesave shpakede nesave makarine ani forma e lilikoski, lepako, kolori e habasko, vay kolorya kova situmen khere.

Evolvipripe e aktivitetesko:Ini so alo o anglonilay, yek kotar o preferime si odova e pishotjyenca. Qhavore silen mangipe te kririnen yek pishoti qaqutno, sasavipeya, on adive shay te gatisaren yek ano khereske kondicie, vash te eksplorinen o forme sar ini ano shaipe sar realizingyola yek pishot. E shpegetyenca krirna rombi kova ulava ano shtar kotora sar ani figura. Qhavoro kerla o koloripe sar si pe olako/olesko mangipe . May pale vastingyona e rhaveya kote si te lepatingyon o makarine ani forma e lilikoski. On dena e pishoteske uek shukarno dikhipe, sasavipeya, qhavoro shay te vastinel ini yaver forme vash te laqharel o pishot. Pe lugipe e gatisaripesko e pishotesko manglape te puqen vash o forme kola vastinena, sar ini vazdeni o gendo e kotorengo kola vastingyona pe lugipe e gatisaripesko e pishotesko.

Te sine kay situmen khere bezi e tekstilesko thay nesave sane kashta, beraber e qhavoreya shay te gatisaren yek pishot qaqutno. Sasavipeya, qhavoro shay te vastinel ini yek kesa e plastikaki phando yek thaveya zoralo vash te imitinenel o pishot. Numay , prastala o nayloni phergyola e phudeya thay uqarinla uqe.