Portokali

Evolviripe e aktivitetesko: adive e qhavoreya si te vakeren vash o phud. Sasavipeya akaya si yek phari tema vash te keren klaripe e qhavoresko, a vash akava si te vastinen yek portokali vay mandarina. Kereniklaro kay o phud si sakote ano mashkar kote jivdina, a ini toperlakya truyal o planeti! Ini so nashti te dikha o phud, ov si adive! Vash te ashutinel o leipekan e qhavoresko, decisinen yek portokali vay mandarina ano qekatipe e qhavoresko.

Mothaveni o portokali thay puqeni: So si ano olako andripe? So janeya tu so si ano andripe e portokalesko? Amen nashti dikha o fruti! Ayeka si ini e phudeya. Sasavipeya si te ovel shuka kay o dadalaya te qhinel e morti e fruteski qhurika ano shaipe kay o qhavoro te ovelole may loke te putarel o portokali palo diskutipe o upreleparde puqipya. Palo putaripe e portokalesko, rodeni kotar o qhavoro vash te lol duho thay te adikerel hari ,may pale te mekel o phud. Palem puqeni e qhavore so kergya kana lela duho, thay so ulo kana mekla o phud. Qhavore akale bershenca vakerna kay lele duho. Akava si yek koncepti mahatno vash o qhavoro, vash te penjaren e obyektyen kola nashti te dikhenolen. Pe agor, o qhavoro hala o portokali kova si yek fruti e vitamina, maybuderi e vitamina C.