Kartolina

Evolviripe e aktivitetesko : Vakereni e qhavoreya vash yekh jeno e familiako kay kamena ole but. Shay te ovel o babi, babo/baba ty. Mothaveni harne o phanglipe e qhavoresko e familiake jenoa. Misalake tu kameya e babo but, thay o babo kamela tute. Babo mothavela tuke paramisya, khelela tuva, lelatu ano phiripe ty. Puqeni e qahvore te sine kay kamela te kerel yekh todina e baboske. Thay gndineni khetane savi todina shay te keren, puqeni e qhavore te sine kay mangela te kerel yekh kartolina.

Deni qhavoreske ververutne materialya kay shay te oveltumen khere (lil, lepako, qerenya, mirikla, ty.) vay sade numay lil thay hramarno vay kolori. Mekheni e qhavore te kerel kartolina sar si pe olesko mangipe. Siguripea, te sine kay o qhavoro na biqhalgya may angle o lafi kartolina, mothaveni so sito, vay vakereni te keren yekh lil nesave hramipyencar vash te mothaven kobar but kamenole.

Kana arkahlona e baboa, vay sasavo yaver jeno e familiako kay qhavoro alosargya deni e kartolina kerdi kotar qhavoro.