Yezho

Materiali thay sheya: Parno lil, kolori tempere, vilushka ,humer vay pastelina, shutale shtapiqya, patren, qaqkalice, tikne rovlika vay kale seme , ulavipeya so situmen khere.

Aktiviteti – Yezho sar e marika, sap thay breshka, ano novembro khuvla ano kykya e dayeke kashteske vay dayek yesheluko thay odote uqhargyola e patrenyenca vash te kerel yevenduno soibe. Informineni e qhavore so o yezho sile o kare kana shunla dayek reziko ov pakyargyola sar topka e karenca vash te garavgol. Adive shay te alosaren but matrialya vash te keren e yezho ulavipeya kotar o matrialya kola situmen ano kher. Ano parno lil pikturineni e godi e yezhoski thay may pale pashareni qhavoreske kahaverengo kolori thay vilushka kay o qhavoro te truminel e vilushka ano kolori may pale ano lil , vay in te lpatinel patrenya. Numay tumen shay te keren e yezho ini kotar e pastelina (humer) a o qhvoro te thovel o kare yek kotar o matrialya kola si leparde upre. Tumen shay te sikaven e qhavore ini te iranolpe sar yezho kote kedla o pre thay vasta day ver pale day ver ano riga.