Yekhune vay yaverune?

Penjaripeske janipya evolviringyona but may sigate ano akava vahti e qhavorengo. Ayekha kay adive kereni yekh aktiviteti vash te zorakeren o janipe e obyetkenge klasifikipesko, qhivindoy pe dikhipe o yekhune karakteristike vay yaveripya prekal o obyektya.

Materialya: 3 grupe e khelipyenge, kolendar duy khelipya siton identikune thay yekh yaverune sar ayekha: kovle khelipya, bllokya, kukle, makine ty.

Odova so musay te keren sito te grupinen po trin khelipya, kolendar duy siton identikune thay yekh yaveruni. Qhiveni trin khelipya ani yekh kesa vay kutia. Besheni tumare qhavoreya thay qhiveni e kesa pedral e mesalin. Ikaleni so trin khelipya kotar e kesa/ kutia thay puqeni e qhavore koya khelunti na sitoy yekhuni e duy yaverencar. Te sine kay qhavoro sile pharipe te arakhel o yaveripe, pe shrd kereni puqipe vash o khelipe ayekha kay te arakhel o yaveripe. Misalake so sila e makina (rota, vudara, phiripe…), ji kay so sila e kukla (yakha, pre, sitoy kovli…) ini yaver kukla sila yekhune, odoya ver koya sitoy yaveruni kotar e kukla?

Lugyareni o khelipe anindoy yaver grupe e khelipyenge thay mekheni e qhavore te arakhel kova obyekti vay khelipe na sito vash e grupa.

Khelipe shay te adikeren vi e yaver sheyencar, misalake e ververutne habencar, qarencar.