Veske jivipya

Paramisi e sapyengo kola sine pashutne mala

Kamle dadalarya, akaya ver simen yek paramaisi koya si te khelgyol tumendar thay tumare qhavore sar teatro ano kher. Duy luge shalya kote kerena bokoli po harri keraholen sar laqe sapa kola jivdinena ano tumaro kher.

Leni yek shali tumen thay yek shali tumare qavore,startineni te phiren ano kher kote vakerena beraber, kote i te khelaren o shalya sar sapa thay kote mothavena o paramisi. Mashkarovakti, garaveni yek paketi e kunduryengo dayek thane ano kher nesave shekeryenca vay qokolada thay khelipya, vash te arakhen o fesari pe lugipe e khelipasko vash o paramisi. Ayeka, ano hodniko vay ani yek soba yaver quqareni ani phuv o paketi e khelipyengo.

Startineni paramiseya: Amen simay yek ver duy mala sapa, yek sine but traynutno thay phirela sine gendipa ano kher , numay o yaver sine but sigutno ( ano akava suro , o sap kova phiravla o dat sine sigutno thay perla sine sakota kote khuvla, modelineni tumaro shali o sap kova si aktivuno , sine na gendipeya thay but sigutno).

Sigutno sap ushtingya pedo dolapi thay aqhilo odote. Vakergyola: “ Amala sap, ashutinma molinatut se aqhilum ano dolapi thay nashti te iklovav “, thay o traynutno sap avela but gendipeya thay ashutinla pere male (kereni shaipe e qhavoreske te pratinel o paramisi thay e ovipeya te kerel ayni avipa shaleya vash te kurtaynel).

Duy mala sapa loshalile but kay kurtaysale lenape sine angale thay bangyona sine ji ani yaver soba kote garavgyola sine o baravalipe. Amala sapa silen vash obligipe te arakhen o baravalipe kova si garavdo ani soba, kote pe andripe sine suprize vash olenge. Mekeni e qhavore te khelel vash te kerel shaipe te arakhel o baravalipe thay pratinenole bajako po bajako.

Duy mala arakle o baravalipe thay lale sa loshalipeya o sheya kola sine andre, numay on sinolen ini but yaver avanture, maypale bashlaynde sigatar ano hodniko kote sine yek quqo paketi thay o khelipya sine ferdime ani phuv. On sine sapa kojyale thay kedinde sa o khelipya ano paketi, thay may pale gele ano kupatilo.

Sap kova sine may aktivuno vakergya e yavereske: Shay te khuva te nangyova ani akaya safa akate? Pherna e safa payneya thay nangyola beraber kote khelde payneya thay kenaqisale ( qhiveni o shalya ano pani thay thoveni kay solduy kana noderlinena o paramisi thay, pe agor, femeya vash o shukyaripe e balyengo kerna shaipe te shukyaren sine yeke – yavere e shaipeya kay o khelipe te ovel pana may atraktivuno).

Agorineni o paramisi vakeripe vay puqipyenca: Kova kotor sine may laqo ? kote kenaqisalam may but? Thy. thy.