Selikane idya

Materiali thay sheya: yek paketi, markeri, lila vash pikturipe, koloryathay lepako.

Evolviripe e aktivitetesko : Adisuno aktiviteti si te kerolpe e selikane uravipyeng, kola si yaverune ano umlavipe e zonako. Kay o qhavoro te lol kan orgainaliteti olako/olesko mothaveni vash e diz vay gav kote siyen biyandile tumen vay o dadalarya tumare tay vastineni dayek video vay tasfiri kay mothavla o tradicionalune uravipya olake avipesko. Diskutineni e qhavoreya kay amare uravipya silen but laqe kolorya. May pale rodeni e qhavorestar te kompletinel yek uravipe pre kal pikturipe. Khelipe kerla sarsipe meangipe ano yek lil kova may pale qhingyola makazenca o kotora e uravipaske, s.m. panturya e bluza thy. Ano kririrpe e uravipesko shay te vastinen ini kapakya e shishyenge, vay yaver matrialya kola araklona ano kher vash te laqharen o uravipya ( m.s. thava koloreya, matriali e bezako ,Shay te vastingyon ini kotora e lileske koloreya) . Kririmo uravipe lepatinena ano yek paketi thay decisinena ano kotor tumara ekspozitako. Mekeni e qhavore te ovel so may kreativuno ano gatisaripe akale aktivitetesko. Vash akava aktiviteti shay te vastingyon ii tekstileske materialya, kote dena may but dikhipe e uravipesko.