Pro thay kontra

Adive besheni ano tumaro than e drabaripesko, alosareni yek pustik vash te drabaren beraber, vay mothaveni tumara familiyake yek historia kova   sila pa peste yek mesazhi vash shukarne ovipya thay ovipya kola na manglape te kergyon. Shukarne ovipya kerna e qhavore shukarno dizune.

May pale   lila duy   koloryenca thay yaverune,   kapakya duy koloreya, hramya duy   kolorenca vay sasavo yaver obyekti, numay si manglo te ovelolen po duy yaverune kolorya.

Yek parno lil vay e mez shay ulaveni ano duy kotora.

Ulaveni beraber yek kolori e qhavoreya kote si te thoven o laqe ovipya numay ano duyto   kotor e mashkaresko si te thoven o   ovipya kola na kamlape te oven . Tumen shay te mothaven e qhavoreske yaverune situacie thay ov/oy alosarla kova ovipe manglape te kerel. Diskutineni o ovipe beraber. Loshakareni e qhavorevash shukarne alosaripya.

Qhavoro mothavla shukarne vay na shukarne ovipya startipeya kotar kheresko ambiyenti thay may dur ano yaver ambiyentya.