Paketi duyengo

Manglo matriali: paketi vay gatisarno paketi , lil vay dekoripe kova situmen.

Evolviripe e aktivitetesko: Adive bersheni beraber e qhavoreya thay kereni duy paketya vay leni yek paketi kova situmen ano tumaro kher, kola si odola vash vastune lila. Rodeni kotar o qhavore vash te pikturinel ano lileske kotora diso so mangela te vakerel e dadeske. Startipeya o dat kerla akava ovipe ,m.s. pikturinla o vilo,qeren ,luludisasavo kay sile gendipe te losakerel pere qhavore kaleplaynla thay thovla ano paketi .

Cidla yek lil thay qhinarla bare avazoa odova kova pikturingya thay dela klaripe e lafyenca. Luludi – Me sima tute luludi , so siyan laqi thay delikatyuni. Thay ayeka phiravgyola yaver lila. Palo agoripe e dadesko manglape te startinel o qhavoro.

Deni shaipe e qhavoreske vash te mothavel tromalipeya sar si pe imaginacia olako/olesko.

Prekal akava aktiviteti, qhavoro shay te siklol neve lafya, vash te mothavel o kamipe kova sile vash o dat.