Modelina e dondurma

Pikturineni yek dondurma ano yek lilt hay rodeni e qhavorestar te modelinel e dondurma. Res si kay o qhavoro te kerel korkoro o aktiviteti startipastar jip e agor.

Koloreske lila kola situmen khere ,  qhavoro pharavlolen ano kotora may pale pale lepatinla ano ashutipe lepakosko pederal e figura e dundurmaki. So may but kolorya kay vastinla o qhavoro, aboka po but sit e argetingyol thay sit e beginel o aktiviteti.

Tumen shay te vastinen ini yaver shaipya vash te pheren o pikturipe , ini e pirinjeya thay may pale kolorineni o pirinji , ini e grosheya thay o zerne e kahaveyake.  Tumen shay te beshen pashe qhavorenge vash te sigurinen kay  on na thovna akala sheya ano muy.

Yek yaver shukarno shaipe si pretendimo khelipe e dundurmako. Manglape tumenge nesave tikne topke kotar o lil, vay e pamukostar vay ini topke kotar o Ping- pong vay tenisi, parne vay koloryenca. Manglape tumenge ini yek tuba e lilengi kotar o tualeti vay ini plastikake tahtaya, vay ini yogurteske safe ,yogurt kotar ofrutyathy. Thoveni sa ani yek safa thay decisineni anglo qhavoro . Ov /oy sit e decisinel o topke pederalo tube e lilenge kotar o tualeti thay sit e kriirinel dondurma koba mangle. mashkarvakti kereni lafi oleya vash o kolorya , kova kotar o fruit sile akava kolori thay sar si olako ukusi. Vakereni ini vash e forma e dundurmaki. Geneni beraber koba dondurme kergya tumaro qhavoro .

Pe agor, tumen shay te keren dundurma khere vay te kinen odola. Hani beraber e qhavoreya thya mothaveni o ukusi kova sila.

  • Date
  • Category
  • Share