Memeli ano pikturipe

Materiali thay sheya: parno lil, hramya koloreya, memeli, qakmako.

Evolviripe e aktivitetesko: So may pashe siyem e neve bersheske, aboka biajikerde o qhavore ajikerna o iv. Biumlavipeya te sine kay dela vay na dela iv, amen shay te da o emocie e iveske amare qhavorenge e yavere shaipyenca. Startipeya rodeni e qhavorestar te pikturinel yek natura iveya, ayeka sar kerena imaginacia, buderi kherena thay buderi frutyenca. May pale thareni yek memeli kova situmen khere thay ajikereni ji na bilagyo. Koba bilavgyola ,deni o memeli e qhavoreske thay beraber startineni te thavden pederal o pikturipe e thavdyenca kotar o memeli ,pederal o frutya ,pederal o qatlo e kherengo thay sakote ano pituripe. Thavde memelya si te marungyon qabuk ano pikturipe thay si te len e forma e iveski pederal o pikturipe. Si te startinel artistikuno pikturipe thay ulavdo kote dengyola e qhavoreske o shaipe vash te eksplorinel yaverune shaipya vash kriripe e ivesko ano pokturipe olako/olesko . Qhavoreskoi lumia barvalola so may but matriyaleya kotar okher vash te vastinen ano butikeripya olako/oleskothay olako /olesko kreativiteto si te ovel bulvlo. Te sine kay situmen memelya yaverune koloreya, shay te formirinen ini luludya thaydya- thavdya, kola aini ano qalavipe dengyona e qhavoreske yek shukarni emocia thay laqi.