“Mesimaakya”

Matriali thay sheya: tahtay, hrami, kolori.

Evolviripe e aktivitetesko – Berabervakereni e qhavoreya vash truposke kotora, kola si po duy, m.s. ,si duy vasta, duy pre, duy akya.

Beraber e qhavoreya, gatisareni duy tahtaya plastikake vay duy paketya e tualeteske thay kereni beraber buti e qhavoreya e qiriklo vash te dikhen ano ambienti avri ani natura. Si manglo duy thataya e plastikake thay putareni o rupe, numay duy tahtaya sar si ano tasfiri . beraberineni yeke lepakoa vay ano phanipe mashkarpeste dayeke shiriteya kola situmen ano kher. Numay, te sine kay na situmen plastikake tahtaya , paketi e lilesk vash o tualeti si but praktikune vash akava aktiviteti thay keripe ayni beraberineni ano mashkar vash te kriirinen diklarde . Vastineni o diklarde kay o qhavoro te dikhel kotar o jami o ambiyenti thay phaneni o akya kote rodena kotar o qhavore vash te mothaven so dikla ani natura . Vakereni e qhavoreske : “ mothav so dikheya? Si mi but kashta thay khera? Si mi frutya vay mverde but?”. Thay rodeni may but detaipya ano shaipe kay o qhavoro te mothavel pere janipya so may but.Yaverineni may pale o role kote kriirinena yek yaver xhami.

Qhavoro phanla pe akya e shaleya thay tumen diklarnenca mothaveni o dikhipe kova dikhena , thay rodeni kay o qhavoro te imagininel e godipa o dikhipya kola tumen mothavena. May pale pikturineni beraber odola so mothavgyen yeke- yavereske thay dikheni ano xhami kote beraberineya vash te dikhe te sine kay siyen reste te pikturinen o sheya kola siyen shunde yeke- yavere. Kahrgyola o qhavoro vash te kriirinel o gendo duy e koloreya vay e matrialeya kola situmen ano kher( shay te vastinen qham e bukyaki).