Me ka ovav polici e trafikosko

Materiali thay sheya : Lila, kolori thay makaze vash te gatisara o matrialya sar ano tasfiri, mashine khelipya, a te sine kay na situmen shay te pikturinen thay te keren palem sar si ano tasfiri may tele vay te vastinen e topka vay e guma(sasavi ano than e verdako).

Evolviripe e aktivitetesko : Sasavipeya kana puqa amare qhavoren, a may but e mushen,so mangena te oven kana bayrona, on vakerna kay silem nangipe te oven policya, ayeka kay akava mangipe amen adive si te realizina. May angle mothaveni e qhavoreske savi rola sile o polici, vakeripeya kay o polici sitov vash te ashutinelamen thay garavelamen thay te anol regulative ani komunikacia.

Ano akava aktiviteti: o qhavoro si te lol e rola e policeski, ov si te adikerel ano vast o semafori sar si ano tasfiri may tele, kova shay te kririna ano harno lil kova kolorinena thay ajikerena ano ayni shaipe sar si sar ano tasfiri. Nesave parne lilenca kola shay te qhinaoln ,shay te imaginina kay on si o droma thay pederal olende qhiva o verde, vay ini shay te lugyara o palome harne. O dadalarya akate manglape te phiraven o verde thay o qhavoro te aqakarelolen ano shaipe e policyenge rola. Ne sikaven e qhavorenge save sebepeya o polici shay te aqakarelamen, m.s. vash giriqipe e hersipasko kova sitov limitimo , na thovipe e kaishesko vash siguripe thay soske na vash nathovipe e maskako, vash o sebepi e situaciako kote araklova.