Kolorya mere lilikoske

Adive startineni o khelipe yeke vakeripeya vash te vazden o gendipe e qhavoresko.

“Si laqi lokephikyengi, beshla pedo luludya numay na si berli.” (liliko)

Dikheni dayek tasfiri e lilikosko ano pustika vay internet. Komentineni sar dikola. Puqeni e qhavore: shay te pikturina ini amen yek liliko vash te oven beraberyune sol duy phikya? Te ovenola aynio thavdya thay kolorya ano duy phike? Situ mi day ideya?

Leni duy parne lila A 4 . Yek lela o dat vay o diklarno yek lela o qhavoro . o lil beraberingyola ano duy kotora.

O lil ulavena kvashal vash te oven beraberyune sol duy rigya. Kana si beraberyune sol duy rigya ,on si simetrikune. Pikuringyola o liliko may pale qhingyola ano qhinde linye kola si pikturime. Qhavoro phiravla o bajakya e bukyake. Palo qhinipe koloringyola yek kotor e payneske koloreya. Ayeka sapandi yapeshtingyola ini e yaver rig . trumineni vasteya thay e parmakencae thay may pale putareni thay mothaveni e qhavoreske sar o ayni kolorya giriqinde ano yaver rig kote beraberisale e yavera riga. A may pale o phike e lilikoske si ayni sar simetrikune.

  • Date
  • Category
  • Share