Kolori e klikeryenca

Frutya siton but saste vash o qhavore feriso silen but vitaminya. Adive sit e vakeren tumare qhavoreya vash o semnipe e fruttyengo, sar garavgyolna o frute thay sar vastingyona. Puqeni e qhavore save vitaminya adikerla o fruit te sine kay janela. Beraber e qhavoreya varyabulineni shtar ji ponj frutya kola shay o qhavoro te piktorinelolen ano olesko/olako shaipe ano yek parno lil , thay mothaveni kova vitamin araklola thay koba si o shaipe e vitaminesko ano sakova fruit Leremi klaro e qhavoreske so ovela pe lugipe e vaktesko kana na si e sezona e frutyengi, kote garavgyona o frutya thay sar gatisargyona shuke frutya. Vash akava tumen shay te deen shaipe e qhavoreske kay yek fruit te khuvel ani yumina thay te monitorinen o fruit pe lugipe e nesave divengo sar shukyola

Pe agor e aktivitetesko inkuraineni e qhavore te pikturinel preferimo fruiti. Palo akava thoveni o lil ani yek kunduryengo paketi vay yaver paketi thay buvlakarena. Leni e klikeryen thay kolorineni e fruteske koloreya thay sakoyaver thoveni ano paketi sakoyaver ji kay na koloringyola o fruit. Preferingyona payneske kolorya, shay te vastingyon ini kolorya e habaske. Anon a theripe e klikeryengo shay te vastingyon ini o sungeri. Si semno kay o qhavoro te kenaqingyo.