Ker kher

Materiali thay sheya : keripeske blokya, lil thay hramarno .
Evolvirpe e aktivitetesko: Lepineni yekh lil vay kartoni baro ani mesalin, thay vastindoy blokya pikturineni forma yekh khereski. Pikturineni ani odoya qhand kay o blokya te pashargyon e thavdyencar kay kergyen. Qhiveni o blokya ani zervi rig e lileski, ayekha kay o qhavoro te astarel o blokya e zerva ji ki dahni rig (te siklol o koncepti kay manglape oleske kana ka shrdel te hraminel).
Khareni e qhavore te pherel o thanipya pikturim ano blokya. Vakereni pe agor kaski forma sitoy odoya (e khereski) thay vakereni sar ano gava si but khera, ji kay ani diz si but stanya thay khera.
Te sine kay mangena te pheren ini o koncepti e kolorenge penjaripeski, tumen shay te pikturinen o koncepti e kolorenge penjaripesko, tumen shay te vizatinen o kher kolorencar sar odola kay situmen blokya, thay godideineni qhavoren te qhiven o blokya sar si pe kolori. M.S , Misal lole blokya ko pikturipe e lole koloreya.
Te sine kay na situmen blokya, khelipe shay te keren ini sasave yaver obyektencar kay situmen khere. M.S , Misalake shay te vastinen tikne roya. Te pkutirinen e forma e khereski kerindoy o nishani e royako thay palo odova o qhavoro vastinla o roya vashte pherel o thanipya thay fomririnel o kher.