Hoteli e insektyengo

Materiali thay sheya: materialya kotar e natura (krange, bar, patrenya, qar ty.) yekh qaro

Evolviripe e aktivitetesko : Shukaripe akale khelipesko sito kay si yekh manglo ovipe vay bango vash te evolvirinen akava khelipe, ji kay qhvaore ka oven but mangle te janen ko kotar o insketya ka avel te vizitinel olengo hoteli.

Pe shrd ikloveni e qhavoreya vash phiripe ani natura vash te keren yekh kolekcia e ververutne sheyencar kay arakhena ani natura. Mothaveni e qhavoreske kay te alosarel so dikhla thay kamela (mevalengi morti, krange, patrenya, bar ty). Palo kay kedna o materialya kotar e natura, arakheni yekh hor qaro (korpa, quqi kutia e thudeski vay panyeski shisha ty.) vash te iranen ano kher e insektyengo. Ano procesi mothaveni e sade lafyencar e qhavoreske so kerena. Inkuraineni e qhavore te pherel e kutia so may but kotar o materialya kedime. Qhiveni e kutia ano yekh manglo than ani avlin vay tumaro balkni, vash te kontrolinen palo nesave kurke lkola insektya ale ano tumaro hoteli.

Te sine kay mangena te dikhen insektya yekhatar, ano vahti kay sien ani natura leni tumencar hari shekeri, qhiveni ani phuv thay ajukereni… palo nesave minutya karanje ka shrden te kedingyon.