Bufi

Organizipe e aktivitetesk: buy jivipya jivdinena ano kashta thay
yerna qatlo ano krangya e kashteske thay kedena tikne rovlika thay qarya. Bufi bufi na uqarinla numay beshna ano versh ano sa periodya. Karakteristikuno avazo(hu,hu,hu) si interesantno vash o qhavore but ver kerena olako imitipe . Tumen si te roden kotar o qhavoro vash te keren o bufi e patrenyenca ayeka sar janla thay kerla. Pe starti ikloveni e qhavoreya vash te kenden patrenya palo iranipe si te qhinen yek baro truyal kottar o lil vash o trupo e bufesko thay rodeni kotar o qhavoro vash te lepatinel o patrenya ano truyal kotee siyen qhinde, nesave patrenya ano phike, yek ano shero ,ko pre, numay o bare akya qhinena kotar o lil (sar si pe modelidendo ano tasfiri). Sasavipeya, deni shaipe e qhavoreske vash te mothavel ini e krang e kashteski kote si te beshel o bufi, keripa kotar o lil yav dayek rovlik arakli e patrenyenca. Rodeni kotar o qhavore pe lugipe e bukyako ini te imitinen o avazo e
bufesko thay kereni puqipe thay kote jivdinla thay phirela mi vay beshla sakoyaver ano versh.