Ti sian but laqi/o

Mangena kay tumaor qhavoro te ovelole yekh shunipe e rahatlukosko,siguripe, pakyavipe thay inkuraipe? Kreirineni oleya yekh zoralo ledeipe thay pozitivuno! Shrindoy kotar bianipe, qhavore siklona ko siton ko sito kotar o ovipya thay sar treteringyola. Prekal sakodivune butya, dadalarya, pashutne thay dikhlarne biqhalena e qhavorenge mesazhya sar: tu sian gojalo/i, laqi/o, kamli/o, kamama te khelav tuva ty. Akala formirinena o korkoro janipe e qhavoresko.

Zorakereni adive tumaro pozitivuno ledeipe khelindoy ‘Arakhlum’! Qhiveni yekh paloma ano olesko/olako muy, thay palo odova cideni ole thay vakereni “arakhlum”…. siguripeya ka len o hasabe e qhavoresko. Kobar ver ka tentinen te qhiven palem e peceta anmo olesko muy vay tumaro, tumaro qhavoro prekal o avazya kay ka mekhel e khelipyencar e vastengo thay prengo dela pe janipe kay ov/oy mangela te khelel palem o khelipe. Oy/oy nakhavla oleski.olaki rola thay lungyarela te khelel ji na osandrinla. Vash adive si akava dosta.