Meval e shuakripeski

Materiali thay sheya : lil, lepako, makaza.

Evolviripe e aktivitetesko : Prekal o lil formirineni yekh meval thay leineni ola ano zido. Vakereni e qhavore vash shukarne butya thay shukar terbiya, deindoy konkretuno misal vash so mangla te phenel shukarne butya. Mothaveni e qhavoreske kay ko akava kurko, may masek tumen ka qhiven yekh vilo ani kranga e mevalaki kobar ver kay o qhavoro kerla yekh shukar buti. Ano vilo tumen shay te hraminen shukar buti kay kerya o qhavoro thay palo odova te qhiven ani meval.

Ano than e mevalako tumen shay te vastinen nesavi forma yaver misalake te dekorinen yekh tegla thay odothe qhivena o vile, vay te vastinen nesavo obyekti vash te reprezentinen o shukarne butya. Misal bara vay mirikla, thay te pheren e tegla sako dive kobar ver o qhavoro kerla yekh shukar buti, te dikhelpeste vay yaver dayk kaste, te del kamipe ty. Thay pe agor e kurkesko tumen shay te genen kovar vile vay obyektya yaver situmen ani tegla thay ayekha vi shay te keren qhavoreske yekh todina vash o sah shukarne butya kay kergya. Shay te ovel yekh habe kay kamela, yekh phiripe khetane ty.