Yevendeski tegla

Materiali thay sheya:tegla, tikne khelipya, pirinji

Evolviripe e aktivitetesko: ani yek tegla quqi kova situmen khere shay te kririnen yek aktiviteti but atraktivuno vash tumaro qhavoro. Si manglo te oveltumen hari parno pirinji mirikle vay hari teyli kova sherlainla ( si manglo numay o pirinji te sine kay na si yaver). Phereni shudre payneya may but se kvashi tegla thay rodeni kotar o qhavoro kay ani tegla te decisinel nesave khelipya tikne thay zorale kola si mangle kotar tumaro qhavoro. Ani yaver rig, yek finxhani pirinjeya te kareshtingyol thay te thovgyol shuka ji kay na nklola yek parno pani . May pale deni o pirinji qhavoreske kay te decisinel ani tegla e khelipyenca thay phaneni shuka o kapako. Koba ver o qhavoro iranla e tegla, o pirinji si te perel kotar o upre tele pederal o khelipya kola siton andre, kote dengyola qhavoreske o emocie e iveske ano andripe e teglako.

Shay te keren may atraktivuno akava aktiviteti te sine kay situmen mirikle parne thay teyli kova sherlaynela ano kher, feriso o iv si te sherlaynel may but andre thay kerla may shuka o aktiviteti.