Moro kalendari

Materiali thay sheya: kartoni, shtipalka thay kolori.

Evolviripe e aktivitetesko: Adive e qhavoreya si te kern buti bersheske dive kola aqhile vash o bersh 2020.

Kamle dadalarya, si semno te vakera tumare qhavoreya vash o agor e bershesko thay startipe e neve bershesko. Kote kergyola klaripe e qhavoreske kola situmen ano agortne dive e bersheske 2020, startineni te keren akava aktiviteti kova si te shutinel e qhavore te ovel may klaro ini koba dive pashargyola Nevo Bersh. Sakova qhavoro ajikerla e festa sasavipeya o Nevo Bersh thay maypale akava aktiviteti te ovel but shukarajikerdovash olenge.

Vash akava khelipe vastingyona lila sane vay kartoni qhindo sar shtarkysheliya kote hramingyona kurkoske dive e data kay aqhile ji pe agor e bershesko (data 31 decembro). Kartoline kergyona e lilenca vay paketya kola situmen ano kher, laqhargyona thay koloringyona sar si pe ideye kova sile tumaro qhavoro ,astargyona e shtipalkenca vash shukipe e idyengo vay ini lepakoa, kote decisinla ano yek than sar kalendari tumare qhavoreske.

Vakereni e qhavoreya vash kurkoske dive. Akava kereni resipeya kay tumaro qhavoro te siklol kurkoske dive, thay maypale seralayneni o dive sar si pe date, beraber tumare qhavoreya. Rodeni kotar o qhavore vash te vakerel kurkoske dive ji kay tumen ashutinena. Vakereni e qhavoreske so pe rakyune orya ,kan nashla o dive , anglo soibe si te duryaren e data kova sine adive, thay beraber, si te keren o genipe o dive kola aqhona. Mekeni e qhavore vash te reflektinel o dive kova gelo thay te mothavel so pashe si o Nevo Bersh.