Ishlina o flago ani qham

Materiali thay sheya: Thulo thava, paketi thay suv.

Evolviripe e aktivitetesko: Startineni te mothaven e historia e marigonaki kay ishlingya o flago lolo kalo ani Vlora. Thay phiraveni o vakeripe e qhavoreske so pana na situmen yek personi kova ishlingya Kosovako flago. May pale puqeni: mangeya te ove tu ov/oy kova ishlingya o flago? Ava te probina feriso si te kame but . Ano lil pikturineni sar si ano tasfiri o flago thay putareni nesave rupe kote si te giriqinel thulo thav e suvya. Te sine kay na situmen suv thulo improvizineni odova kotar dayek plastikako shey vay moripe e dandengi. Te sine kay na situmen niyek thav thulo khere, qhavoro shay te vastinel yever sheya vash te modelinel o flago. Akala matriyalya shay te oven nayloni kotar o dugayne kola qhina kotora – kotora thay lepatina pederal, vay e kolomokeya kola situmen khere. Res si vash te vastinen matriali kova situmen khere.