Moro vilo

Numay abokar manglape tumenge adive: yekh tuba e lilengi kole kerna korkore vay palem vastineni e tuba palo kay harjingyola e kuzhinata vay tualeti, thay hari habasko kolori vay bio boya [bio boya = hari mekhli qokolata sanardi panyea, vay zumi kotar keravdo lolo shah, vay sasavi ideya kay perla ki tumari godi kotar habe kolorencar kay situmen khere].

Tumen shay te den qhavoreske yekh lil vay yekh parno recepti, tuba e bangarde lilesko sar ano foto, vay ani savi forma kay tumen mangena,  thay ano yekh tasi o kolori. Leni tumencar yekh tuba e lileski thay mothaveni prekal tumaro modeli sar te adikerel e tuba, sar te qhivel ani boya thay sar shay te kerel e figura. Palo odova mekheni te tentinel kobar ver mangela, ne qhivel o  tubi sar mangela. Sigurina tumen kay ka qalargyol, ini te qhivgya po vast ani bio boya, nane niso. Tumen thereni sama te mothaven kay musay te kerel figure numay e lilea/peceta.

Vash may tikne qhavore, tumen shay te keren yekh sheyengi astarni sar stampa, astardindoy ani yekh olaki rig nesavi figura.