URAVIPYA THAY SELIKANE INSTRUMENTYA

Materiali thay sheya: tepsiya, tarabuka, (truyal), instrumentya vay selikane uravipya te sine kay situmen khere.

Evolviripe e aktivitetesko– adive ango qhavore mothaveni o uravipya thay selikane instrumentya, te sine kay na situmen uravipya thay instrumentya odoyaver kereni shaipe te arakhen ani dayek magazina vasho qhavore.

Mothaveni e qhavoreske sar uravdepe amare dadalarya, save instrumentenca sine argetime, sar ule o biyava kana on prandisale, save gila gilavdile, sar sine o than kote on giriqinde o dive (ode).

Dikhenio video vay o tasfirya e biyavengekola kergyen may angle thay komentineni beraber. Vakereni beraber e qhavoreya vash odola kola dikhisale ano video. Mekeni e qhavore te rimothavel te sine ov/oy janla vash tradicionalune sheya.

Te sine kay khere situmen tradicionalune uravipya, uraveni adive beraber e qhavoreya. Te sine kay situmen dayek trdicionaluno instrumenti sar; qeteliya, goqi , dahira, ,kheleni adive oleya. E dahira shay te yaverinenola yeke tepsiya vay tarabuka (truyal).

Beraber startineni o ritmi e tepsia kote gilavena selikane gila kola janena.

Mekeni e qhavore te kerel proba o ritmi e instrumenteskovay dayek improvizimo instrumenti ano kher, sar m,s, : e kofa yaverineni e goqeya, tepsiya sar yaveripe e dahirako.

Kenaqingyoven tumen kote kriirinena o naklo vakti beraber e qhavoreya.