Ulava maro maqoske

Palo so o qhavore khelde e aver qhavorencar avri ani natura, tumen adive shay angazhina olen e khelipea; ulava maro vash o maqo vay preferimo jivutro.

Vash akaleske manglape tumenge nesave qese bizo kolori thay harne materialya kola si te oven habe e maqosko vay preferimo jivutro.

Pikturineni pedral i dikhavutni qesa forma e yekhe maqeski, vay forma e simsinekoski, forma e yekhe qirikloski vay aver forma kova tumaro qhavoro kamla but. Decizineni andre ani habaski qesa olengo habe, kola shay ovna obyektya harne sar pasulesko kotor, topke kotar o lil, frutyenge seme kay qhavoro tumaro hala (seme treshnjake, kajsije vay aver). Phereni qesa (kesa) hari payneya vay hari jelatineya thay phaneniola shuka.

Mothaveni e qhavoreske kay musay te del maro e maqoske vay aver olake/oleske jivutreske may kamle thay mekheni te kerel akavaa vash abokar vahti kobar therla intereski. Ulaveni komplimentya feri so dikhela e maqe vay jivutre.