Te siklova o hramya hramipa ano iv.

Materiali thay sheya: kypriko e muravipasko vay kremi e guglipyengo thay yek tabako
Evolviripe e aktivitetesko: Akava si yek shunavdo aktiviteti thay arketyuno, sar ano shaipe shukaripesko vash te praktikinen o startipe e hramipesko. Ano qaqipe na si o iv kova vastina, sitov numay kypriko e muravipesko vay kremi vay shlago kova vastingyola vash te gatisaren torte. Akava si yek aktiviteti argetimo vash te prektikinen o forme e hramyengo thay e gendyengo, ayeka kay buvlareni o kypriko e muravipesko vay o kremi e tortyengo ano yek tabako thay buvlareni yeka shpatla. Maypale kereni kay tumaro qhavoro te praktikinel o hramipe e hramyengo thy o gendya.
Shay te qhiven may but vay ini te kosen ano andripe e kyprikyengo vay kremi o tikne kotora e lileske e gendyenca vay hramya, thay savorenge kova arakla o qhavoro manglape te mothavel yek obyekti kova araklola andre khereske odole hrameya, vay te genel odyektya sar si pe genipe kova potrefinla. Kareshtipe sol duyengo si ini may shukar.
Akava aktiviteti shay te keren ini parne varoa, numay o shukaripe kova dela o kypriko vay kremi kerla may shukarne memorie.