Soske siton o qerenya ano moro flago?

Materiali thay sheya: Hrami, qham

Evolviripe e aktivitetesko:Kamle dadalarya, te phirava sa o jivdipe festipesko dive kote mothava amare qhavoreske mahatnipe e Fesktako vash Biumlavipe thay o goendipe amare flagosko. Adive si te startina yek mothavipe e paramisesko vash o flago kova si te vazdel tumare qhavore vash te gendinel may but vash amaro flago.

Si manglo pe starti te pikturinen numay e harta e Kosovaki thay o qerenya pederal i harta thay te startinen e paramiseya, numay o qhavore dikhena o qerenya ano flago.

Sine yek ver yek tikni qhay koya rodingya kotar o dadalarya te pikturinel e Kosova sar diklola thay koba sitoy bari te dikhel. O dat thay e day bizo qhinipe pikturinde olake e Kosova thay olaki forma koya sila ani harta, kote mothavena kay akava si amari phuv hay akava si amaro kamlo than. O dat vakerla : Amen manglape te garava kotar o shushipe amari Kosova thay te keraola shushi. E qhay sine darikerdi thay vakergya: dare, a kana ovla e rat, sila mi dar e Kosova? Dat hasasalo thay vakergya: so gendineya tu, darala qaqipeya? So te kera vash tena daral? E qhay sigatar reagingya but sig vakergya: dade, ava te pikturina nesave qerenya pederal e harta vash te kerel shefki e Kosova ani rat thay te kera ini may shukar thay may sigurimi. Dat lela pe gonsederipe te pikturinel beraber o qerenya ani harta. Kotar odova dive e qhay, sine but loshali kay o qerenya ule kotor ini yeke amare flagosko.