Qatlo

Materiali thay sheya: yek quqo paketi e thudesko vay sok, kolomoki, troshke e maresme, kashta ,makaze.

Evolviripe e aktivitetesko: o Anglonilay thay anglo yeven siton interesantno vakti vash te siklon vash o qirikle. Amen shay te loshalova akale diveste kote shay te kera yek qatlo vash qirikle. Beraber e paketeya alosareni dayek bosh paketi. Tumare ashutipe o qhavoro pikturinla o vudar e qatlosko. Gendipeya shay te qhineole e makazenca. Shay te kolorinen o paketi, shay te muken ini ayeka sar sitov. Te sine kay situmen kolorya shay te roden kotar o qhavoo vash te kolorinel e koloreya kay sile may but mangipe.

Tuman shay te laqharen o paketi e digmenca kola kedingyen kotar purane idya,vay ini sar si pe qhavsko mangipe shay te decisinen forme vay gendya. Ji kay o qhavoro kerla o buti ano qatlo ,vakereni oleya so janela vash o qirikle , sasavipeya vash odova kova kerela akana kay o patrenya perena o samay ovela shudro. Puqeni sasavipeya so paravenape o qirikle. Ashutineni e qhavore ano sheya kola na janla, berabervakereni e qhavoreya vash o shukaripya kola avena kotar o qiriklo ano shaipe vash motivipe ini may but vash te vazden o qatlo.

Vash te vazden o qatlo shay te vastinen ini yek paketi e kashtesko vay plastikako. Kana agoingyola o qatlo, vakereni e qhavoreske vash te pherelola kolomokeya vay troshkee maroske. Beraber thoveni o qatlo ano yek than kola gendinena kova pikturingyola kotar o qirikle. Ano boro ano yek fruti, ano balkoni, vay shay te decisinen ano yek fruti ano drom vay o mashkar pashe khereske vay e staneske.

Si shukar kay o qhavoro te ovel ani situacia te diklarel o qatlo ano shaipe vash te loshalol e momenteske kana shay te aven o qirikle.

Pe agor, e qhavoreya sikloveni e poezia “Zana thay qiriklo”.