Plazhako kotor

Akava aktiviteti shay te evolviringyon ano duy droma.

Yekh ver o dadalaray musay te diskutinen e qhavoreya vash o vasnsipe e khamesko, na numay vash e manusheske numay ini vash ojivde qhigodya Shay te puqen qhavore; – Soske manglape o kham?, thay te phikodeinen ole e informaciencar kola oy/oy shay te therel. Akalea dena shaipe e qhavoreske kay te gndinel sar te kreirinel yekh than e plazhako ano kher vay oboro.

Ketane e qhavorea shay te keden qhigodya kotar o kher thay pashe oleske vash te kreirinen andre khereske vay ano oboro yekh plazhako kotor. Vash akaleske si te ovel manglarno yekh sandalia, peshkiri, masa tikni, thay vi yekh qadiri kova araklola ano sakasko kher. Sasavipea kay shay te vastingyon qhigodya sar si pe preferena e qhavoresko vash te kerel o than so may shukarno vash yekh dive kote si te lel khamesko tatipe.

Vash akaleske manglape te azhutinen qhavore vash te laqharel poro qadiri e lileske formyencar kola shay te pikturinel o qhavoro, vay shay te qhinen makazyencar dayk foto kotar e revista vay purani gazeta vash te ovel qadiri so may atraktivuno, kay te ovel yekh e deryaveske ambienteya.

Vi ayekha, shay te vastingyon bara vay dayk legeno e payneya vash te improvizinen o deryav.

Duytro drom sito te vazda yekh posteri e tema – Miri plazha. Vash akaleske, qhavoro shay te vastinel figure thay pikturipya. Vi ayekha, shay te vastinel foto kolen shay te therel kotar o may angle ashlipya. Dadalari, vash o sebepi e bershengo, shay te phikodeinel e qhavore ano pikturipe kola shay nashti kerla qhavoro. Sasavipea, musay te inkurayinen e qhavore te kerel len korkore.