Pikturipya e kreda/hramutneya

Figurativuno arti therla ververutne laqe shaipya vash o qhavore deindoy olenge buderi materialya vash te mothaven olenge fantaziye. Shukar samay khameya sito vahti kana o arteske aktivtetya ani natura siton shukarale vash qhavore.

Vastipe o kolor hramutnen ani pikturipya e trotuaryengo sito diso aver kotar o normalune pikturipya kerde ano butyake lila, feri so akate o shanse vash te iklove kotar o rami sito may baro. Ekspozipe ano trotuari kotar o ekspozipe ano zido sito aver, thay akava averipe diklola kotar yekh aver rig, upral.

Krede/hramutne koloreya, anglo so te vastingyon, qhivgyona ani yekh kadar paynena kay te pikturingyol so may lohke ano trotuari. Pikturipe e qhavoresko kergyola pe mangin. Dadalari vay sikavno shay te pikturinel diso numay na aqhavinindoy o qhavoresko kotor. Palo so agorinla pikturipya, odoya ver kergyola prezantipe e butikeripyengo. Yekh ver o qhavoro mothavla oleski/olaki piktura thay palo odova dadalari vay sikavno prezantinla olako/oleski piktura.

Te sine kay nashti realizingyola aktiviteti avri, odoya ver kergyola buti andreke.

Butyako lil shay te decizingyol tali masa astarinindoy ole e lepakoa traka. Qhavoro pikturinla sar si olako/oleski mangin. (Manglape te theren dikhipe pedral o masako uqipe. Na buderi uqhe e qhavorestar kote manglape te lungyarel but o phiko vay te ovel but pashe e akyencar pikturake)

  • Data
  • Kategoria
  • Shpërndaj