Parava e shosho

Yeke kartoneya vay yek patren, gatisareni yek shosho sar si ano tasfiri. Rodeni kay o buvlipe e mosko e shoshosko te ovel relativuno bari, ayni thay pe bareshipe e janipeya e qhavoreske vash te ferdingol frutya pe late.

Decisineni yek korpa ano mashkar e sobako, odote kote si te khelen, thay tumen vakareni yek nav e frutyengo thay o qhavoro anla thay decisinla ani korpa. Kereni ayeka ji kay o qhavoro te anel sa o frutya kola siton khere. Ano mashkarovakti kova anela o fruit, qhavoro kerla koba ver o nav e frutesko thay o kolori thy.

May pale, qhavoro ‘paravla’ e shosho frutyenca yek po yek, kote ferdena ano olesko ‘muy’thu.

Palo ferdipe e frutyengo khelipya ano ‘muy’ e shoshosko , cideni hari may but e figura e shoshoski thay o qhavoro ne kerel palem.

Phiraveni o khelipe kote rodena qhavorestar vash te mothavel kova si olako/olesko vruti odova preferimi; savo kolori si ; sitov mi zoralo vay kovlo, thy. Te sine kay situmen o fruti khere, mekeni e qhavore vash te shusharel odova korkoro thay may pale te hal.