“Paramisi kola vizitinena e qhavore”

Materiali thay sheya:Troshke maroske
Paramisi: Givijine, ini kay siton but laqe jivipya, alosarena may but dikhipe kay o qhavore si te pikturinenolen. Ayeka, Arti sine but loshalo kay on vizitinena sakova sabahi ani penxhera oleska sobake thay sakoyaver e malenca thay malinenca vakerena vash o givejine pikturinde e penxhera sobaki thay sar dende olenge abe.
Yek dive, o dadalarya e Arteske rodinde kay akanatar manglape kokoro te diklarel piri soba thay ov lela pe konsederipe, Numay akala dende lafya na uzatingya, na manglape sine but dive kay e soba e Arteski te irangyol ano yek na shukarno dikhipe, daysa dive ko sabahi o givijine darasale kotar o nashukaripe e sobako ko Arti thay duryardile . Arti sine but pi merz , numay na lela kan soske duryardile. Kana o Arti araklilo pere amalenca ,mothavgya olenge so ulo , kay o givijine na nakhena te vizitinenole. On savoren mothavdile se o givejine gele ani penxhera vash o sebepi e habasko.
Arti shasherisalo thay sinole but mer, nashti lela kan feriso o givejine na vizitinenole vele, ayeka gelo ko dadalarya thay mothavgya o darikeripe , on lele kan vash o rumipe oleskea sobako.Ayeka kay mothavde kay o givijine darana kotar o rumipya thay on siton darikerde kotar oleski soba,thay ini uqarinde darikerde. Arti sine merzimo but kola na agorinde o obligpya sar mange o dadalarya, ayeka yekhatar shushargya thay laqhardya e soba thay luto kote mkla ani penxhera nesave troshke e maroske.
Taysa dive sabayeske, Arti ushtingya kotar o avazo kotar o laqo avazo kay o givijine kerena sine ani penxhera oleska sobake. But loshalo kotar i vizita e givijinngi ,ov decisingya vash obligipe kova perla oleske akana te agorinel regulativiteteya. Palo paramisi ,leni ini tumen troshke e maroske thay mekeni ani penxhera ,kote vakerna e qhavoreske vash te paravel e givijinen thay ano ayni vakti vash te adikeren shushardi e soba.