Moro meny sar ylberi
Adisuno aktiviteti si phando e alosaripeya o sasto habe vash o qhavore, kola silen impakto oleske/olako. Vash akava shay te vastinen mayteluni qham e bukyako kay o qhavoro yek balancimi ideya pe lugipe akale kurkoske. Si manglo kay o qhavoro te kerel o alosaripe ano shtar kategorie e habaske vash te kriirinel yek balancimi dieta vash o sastipe pe lugipe e kurkosko. Vash akava valani amange koloreske hramya, qhavoro si te ovelole mangipe te ashutingyol kotar o dadalarya feriso shay si produktya kay si te koloringyon sar ylberi e habasko Ano akava aktiviteti o qhavoro manglape te ashutingyol kotar o dat vash o sebepi si produktya kay o qhavoro na penjarla thay nashti pikturinla. Startipeya mekeni e qhavore ne pikturinel korkoro, ini kana na penjarla o produkti, a trumen shay te ashutinenole tumen shay te vakeren lafyenca. Na si semno kay o pikturipe te ovel laqo,manglape te kergyol sar janla o qhavoro. Sasavipeya shay te vastinen tasfirya qhinde vash te keren o ylberi.
Angluno kolori si qarboya vash te prezentinel o produktya thay o frutya. Rodeni qhavorestar vash te leparel nesave frutya kola si preferime oleske. Gendineni kay on avena kotar o frutya kay silen qarboya. Ano qarboyako shiriti ppikturingyona o frutya.
Duyto kolori si zhutiboya koya si phandi e produktyenca sar makarine,piskotya, maro, thy. Tumen shay te roden e qhavorestar te pikturinel yek umal e giveya kova sipeko. Peko giv si zhutiboya. Ano akava shiriti pikturineni o giv.
Trito kolori si bluboya koya phangyola e thudeske produktyenca. Puqeni e qhavoren kota lena o thud . Rodeni kotar o qhavore vash te pikturinel yek gurumni dar hala qar ano umal ,thay o qhavoro buvlo ano qar. Savo kolori sile o buvlipe? Blu. Blu si te prezentinel o produktya e thudeske. Ko kolori blu decisingyona thudeske produktya.
Shtarto kolori si loliboya kova phangyola maseya. Puqeni e qhavore savo kolori sile taze mas. Sasavipeya kay ka vakeren vash o produktya e maseske kote konzuminla o qhavoro. Ki loloboya vashtingona o produktya e maseske .
Ano mashkarovakti ji kay realizinena akaa aktiviteti tumen beraber e qavoreya si te vazden yek kurkesko menu kova si te hramingyol ano divunohrami e qhavesko. Pe keripe e divunehramesko situmen dikhipe vash te decisinen so may but sasto habe kola phangyona e ylbereya. Ano andripe e divesko manglape te lenpe pe konsederipe kay o habe te ovel sar si o ylberi kova si pikturimo.
