Miri kutia e aktivitetengi/khelipyengi

Materialya thay vastushya:  Yekh mashkaruni kutia, vay nesave kartonya thay yekh lepako

Organizipe e aktivitetesko:

Leipeya pe dikhipe kay si 1 Septembri dive kay phanglola e shrdipeya e nakhipesko ano angloskolune khera vay ano centro e divune dikhipesko, deni akale diveske festivuno karakteri kreirindoy shukarne godinipya ko qhavore vash akava dive. Mothaveni e qhavoreske kay adivestar khetane ka keren aktivitetya thay khelipya sako dive thay sah o qhavoro ka kreirinel thay ka garavel ani oleski/olaki kutia e khelipyengi. Tumen shay te shrden mothavindoy olenge o angloskoluno centro, vash edukatora, vash yaver qhavore thay kobar but ka evolviringyol thay kobar shukar sheya ka siklol qhavoro ano angloskoluno kher. Drabareni olenge nesavo mothavipe vay mothaveni vash tumari  eksperienca ani angloskoluno kher.

Palo odova, khetane kreirineni e kutia e aktivitetengi/khelipyengi, Te sine kay situmen gatisardi kutia khere, odoya ver mekheni e qhavorenge kay te pikturinen ano olake qhamya sah so ov/oy mangela. Qhavoro  shay te qhivel ini olesko/olako foto  ani qham e kutiaki  vay ini yaver figure kay phanglona e angloskolune khereya, edukatora ty. Te sine kay na situmen kutia, shay te kreirinen khetane e qhavoreya. Sito dosta nesave kartonya kolen lepinena khetane.

Sugeripe:

Qhiveni e kutia ano kotor e qhavoresko thay qhiveni olen te qhiven/garaven andre olate produktya e aktivitetengo vay olake/oleske khelipyengo.