Miri angluni pustik

Mangle matrialya: manglape tumenge parne qhamya, koba kolorya sila e phabay* qarboya, loli,zhuti thy). Lepako gatisardo ano khereske kondicie ( pani varoa vay pani shekereya), shishe plastikake qarboya.

Adisuno aktiviteti si te fokusingyol ano kriiripe e personalune pustikako vash o qhavore, ano phabayeski forma. Startipeya khareni e qhavore te kerel ano duy yek qham e preferume koloreya kotar odola kola situmen. Maypale khareni e qhavore te pikturinel e forma kvash phabayeski e beraberyune kotoreya e qhamyako. Qhavoro adikerla shukaripeya o qham kova si pakyardo thay qhinla makazenca.

Palo agoripe e sa koloryenge e phabayako, thay lepatineni yeke- yavereya e shaipeya te kergyol yek albumi. Vash te laqharen e pustik, decisin ini patrenya kola gatisargyona kotar o lil vay yaver matrialeya , m.s plastikake shishe e qarboyake koloreya, kola qhingyona ani forma e patrenyengi, thay lepatinena ani pustik. Plastikake patrenya shay te posavgyon thay te decisingyon ano yek thav, thay te phangyon ano dayek obyekti kay o qhavoro vastinla vash sakova dive vay ano dayek than kote dikna savore.

Ani akaya pustik, qhavoro alosarla so mangla te kerel ; shay te ovel pustik e tasfiryenca, shay te ovel e forma ,gendoa, hramya vay regulative kola manglape te phiravel o qhavoro pe lugipe e divesko thy. Dat beraber e qhavoreya decisinena so manglape te anavingyol akava pustik.