Luludyenge kotora

Materialya:luludya, lil, hramarno

Anglonilay sito perfekt anglonilay vash te vastinen sasavo shaipe vash te iklon ani natura e qhavorencar. Adive adikereni yekh aktiviteti kova ka qhivel ani funkcia o bare muskule thay tikne e qhavoreske, sar ini penjaripeske janipya.

Arakheni yekh than kote shrdinde te putaren o anglonilayeske luludya, thay mothaveni qhavoreske kay te nakhel te kedel po yekh luludi thay te anel tumende. Kereni akava prekal o ververutne khelipya. Misalake nak thay irantu prastandoy, phirindoy ano yekh pro, fulinindo thay ververutne ovipya ayekha kay qhavoro te sfidingyol thay te evolvirinel oleske bare muskulya. Palo kay kedna nesave luludya, mothaveni e qhavoreske sar o luludya silen pere kotora e “truposke”. Mothaveni kola siton o semenke, krange thay andripe. Ulaveni luludyake kotora ano trin thana qhivindoy o semenke ano yekh than, krange ano yekh yaver thay andripe ano yekh yaver, palo odova rodeni e qhavorestar kay vi ov te kerel yekhuno shey, vakerindoy o alava, semenke, krange thay andripe.

Ani akaya rig qhavoro ka vastinel oleske tikne muskulya vash te ulavel o luludyake kotora, thay pe yekhuno vahti lela kan kay e luludi sitoy kotar nesave kotora.