Loshalipe e dudeya

Materialya: yekh vastesko dud (vay dud e telefonesko)

Evolviripe e aktivitetesko: Kheleni akava khelipe numay vash loshalipe tumare qhavoresko. Dudyar prekal o vastesko dud ververutne kotora e sobake: zido, vudar, podi thay yaver. Sakoya ver kay tumen dudyarena yekh obyekti, anavineni ole: misalake: akava si kreveti. Mothaveni e qhavoreske sar te tharel thay te aqhavel o dud. Mekheni ole te dudyarel ververutne obyektya vay te anavinel olen. Ayekha vi shay te den godideipya vakerindoy “dudyar o podi” ty. Khelipe shay te keren te sine kay mangena te praktikinen o kolorya vay geometrikuno formati e qhavoreya, godideindoy misalake: dudyar diso e lole koloreya, vay diso sar kvadratyuni forma.