Liliko

Materiali thay sheya: lil, kolori, sheyengi astarni.

Evolviripe e aktivitetesko : Adive ahzuitneni e qhavore te  mothavel kreativuni rig ano arti, kerindoy yekh buti ani forma e luilikoski.

Leni yekh sano sungeri thay prekal yekh shelo phaneni ole ano mashkar, sungeri ka lel forma e uqaripeski. Makheni e sungere e koloreya thay mothaveni e qhavoreske sar te kerel o nishani e lilikosko prekal o sungeri. Mekheni e qhavore te kerel so may but nishanya thay te makhel o sungeri thay lil sar si pe olesko mangipe. Te sine kay na si kolorya, tumen shay te vastinen pani. Te thoven o sungeri panyea thay oleya te keren nishani ano lil vay podi. Akava sito manglo vash o tikne bershune thay ka anel vut loshalipe vash qhavore.

Tumen ayekha vi shay te den qhavoreske kolorya, yekh kotor e qhinde lilesko ani forma e lileski thay kaneshi shusharni vash te dekorinen o krange e lilikoske sar si pe mangipe. Palo kay agorinla azhutineni e qhavore te phagel o lil ano mashkar khetanindoy sol duy qhamya e lileske ayekha kay o kolori te ulavgyol ano duy kotora e flutrake. Vastineni yekh sheyengi astarni vash te astaren o lil ano mashakr ayekah kay toro qhavore shay te astarel thay te khelel e “lilikoa” kerindoy odova te “uqarinel”.