Kreirinava fluske/balonya

Ano akava aktiviteti o qhavoro vastinla poro dikhipe vash te rodlarel e fizikuni luma e qhigodyengi pashe olake/oleske. Kana o pani miksingyona e sapunea ov/oy rodlarla kimikuno keripe, thay sah akalestar o qhavoro phiravla atraktivune moemntya dikhinindoy o uqaribe e balonyengo ani phuvd thay olengo phayripe.

Aktivitetesko evolviripe: lelape yekh qar, phergyola e paynea thay pedral oleste qhivlape o deterjenti e qaryengo. Lelape yekh paynesko lugo kasht thay qhivlape ano qar e payneya thay deterjenteya. Adikereni o kashtesko kotor pashe e voshtyenge thay lokhipa phuden ole. Kreiringyona balonya kola pherna thanipe e qarako. Te sine kay phudingona ani phud o balonya uqarina thay palo odova phayrona. Shay te vastingyon ini day tikno qhigode ani mashkarutni forma vay te gatisargyon e dayk teleske kotoreya.

Akava aktiviteti sito but interesantuno kana evolviringyola ano putardo ambienti thay ano dive khamea. Shay te vastingyol dayk qar may bari e yekhe kadayea deterjengi thay 3.8 litre pani. Vi ayekha shay te qhivgon ini nesave thavdya koloreya e habyengo vash te kergyon o interesantune balonya.