Khelipe e yiveske topkencar

Materialya: lil

Pakya te perel yiv ko mashkar e rakyako…..thay tumen qhavore vastineni o dive khetane e qhavorencar te khelen avri ano yiv thay te kreinen khetane yiveske topke thay te khelen olencar. Te sine kay na si yiv avri, odoya ver aneni o khelipe e topkencar andar vash te loshaloven thay sikaven o bare muskulya akale aktivitetya.

Vastindoy lil, gazeta vay yaver toaletesko lil formirineni “yiveske topke” thay ulaveni ano sobe. Shrdeni e loya frdindoy ko yekh yaver “yiveske topke”. Shukar akalesko sito kay o lil nashti te frdingyol zorale thay niko na ka khuvgyol kotar akava “khelipe” ?

Palo kay te agorinel o khelipe, vastineni yekhune “yiveske topke” vash te frden ano koshi. Tentineni o frdipe kotar o ververutne distance.

Odova so ayekha vi shay te keren akale “yiveske topkencar” sito te yaverinen ano shukar khelipe deindoy qhavoreske yekh kacia kay te pretendinel kay shuzharela o drom kotar o yiv, ayekha qhivindoy “yiveske topke” prekal e kacia ani yekh kanta.