Iv may shukarno e bershesko

Materiali thay sheya: yare, shekeri, lil,hrami, makaze

Evolviripe e aktivitetesko: But qhavore kamena o iv vash te khelen, numay nesave olendar mangena te probinen o iv. Muklola mi qabuk?, Sitoy mi but shudri?, Savo ukusi sila?, sa akava si kotar o interesipe vash te janen ano savo ambiyenti on jivdinena. Akaya rig si te gatisara yek guglo iv ano kher kote ka khela yek interesantyuno khelipe e qhavoreya, garipe vash te arakha kova gendo araklola talo tayniri e shishako startipeya kereni nesave gendy e qhavoreya. May pale, ano yek hor qaro decisineni duy parne e yaroske hay duy pherde roya shekereya, marenolen miksereya ji kay lela o kremi e parnako koya si but laqi (Shlago). Mekeni e qhavore te adikerel o mikseri tumare ashuipeya feriso vash oleske si but atraktivuno vash te dikhel sar o yare thay o shekeri irangyola ani yek parni masa thay si but shukarni. May pale , taynirya e guglipaske kotar o xhami kola situmen ano kher thoveni pederal e meslin thay mothaveni o khelipe e qhavoreske. Adikereni ano vast nesave lila e gendyenca kola si hramime ,m.s : 2.4.3.1.5 … may pale vakereni : Me akava gendo e lileya sima te thovav ano tayniri e xhamesko thay pederal o taynisi sima te thovav hari parno kremi vash o sebepi te garavav o gendo, numay tu manglape te qare sa o kremi vash te dikhe kova gendo garavgyola talo tayniri”. Khelipe phiravgyola ji o kremi agorinla, ano yaveripe e gendyengo koba ver ano tayniri agorinla o kremi thay o qhavoro janla o gendo kova garavgyola talo tayniri e xhamesko. Akava khelipe si te pherel o kher but hasaiba thay but guglo ukusi.