Hava korkoro

Astaripe e qhavorengo ani mangli buti vash olenge bersha sito but vasno kay kay dela olenge o shunipe e biumlavdipesko thay kompetencako. Vastineni kreativune ovipya vash te azhutinen e qhavore kay te agorinel yekh buti ani biumlavdi rig, vay so may hari astaripe kotar tumari rig. Adive sikaveni e qhavore te servirinel korkoro olesko habe.

Ano yekh lil, tabako vay ani mesalin e qhavoreski pikutirneni yekh baro rumbulako kote manglape te qhivgyol o tanyiri, yekh tikno rumbulako kote musay te qhivgyol e tahtay, than vash o roya thay digreno. Ano vahti e habasko qhiveni anglo qhavoro pikturimo lil thay rodeni e qhavorestar kay te servirinel o habe vash peske decisindoy o qare ano angle thana. Mekheni e qhavore te hal korkoro. Palo kay agorinla o habe, rodeni te iranel korkoro o qare ani kuzhina. Kereni rutina o astaripe e qhavoreske ano servipe e habasko vash peske thay te cidel o tanyirya kana agorinela.