Alo vahti e mothavipesko

Vash tikne qhavore, te jane so ajukareya,  azhutinla olen but te shunenpe sigurune, tehne thay te kontrolinen piri lumia. Kreiripe thay garavipe e sakodivune rutinengo ano yekhuno rendo thay pe yekhuno vahti sako dive,  sar misal, shay te  keren yekh phiripe ki detharin, palo odova yaveripe e pelenengo thay palo odova habe, palo odova ashlipe thay alo vahti e mothavipesko…. Ano tumaro khetano kotor e drabaripesko, besheni thay ajukereni kay qhavoro te avela korkore tumende. Mekheni te alosarel koya mangla pustik thay mothaveni yekh mothavipe vay “drabareni” khetane o figure…. mekheni te tentinel te iranel korkoro o pustikake kotora. Mekheni te iranelpe pale ano mothavipe kobar ver mangla…. alosareni olesko/olako ritmi thay qalargyoveni khetane.